TRAPO, BIMPO, EPAL, AHAS at BOPAL

-
TRAPO, BIMPO, EPAL, AHAS at BOPAL
ni Benjo Basas, pambansang pangulo ng Teachers' Dignity Coalition (TDC)
Oktubre 15, 2013 

(Mula sa kanyang kolum sa Pilipino Mirror, Oktubre 2013)

Ilan sa mga umuusbong na salita sa bukabolaryo ngayon sa ating bansa ay may kinalaman sa ating mga naihahalal na pinuno. 

1. TRAPO o Traditional Politician- generic na katawagan sa tradisyunal na politiko. Mga pulitikong kadalasan ay mula sa malalaki at mayayamang angkan, gumagamit ng guns, goons at gold lalo kung halalan, may private army, mapanlinlang sa mamamayan at kadalasa’y sangkot sa katiwalian. Inuuna ng TRAPO ang kapakanan ng sarili at kanyang angkan kaysa paglilingkod sa bayan. 

2. BIMPO o Batang Isinubo ng Magulang sa Politika- mga kabataang galing sa maimpluwensiyang pamilya na dahil sa pagtatapos ng termino ng ina, ama, kapatid, tiyuhin, tiyahin, pinsanin, lola o lolo ay tumatakbo rin sa anumang puwesto. Kung minsan nama’y dahil lamang sa kagustuhang makontrol ng isnag pamilya ang lahat ng posisyon lalo na sa lokal na pamamahala. Kadalasan ding walang karanasan sa paglilingkod ang mga BIMPO. 

3. EPAL- salitang balbal na tumutukoy sa mga palaging umaagaw ng atensiyon at nanghihimasok sa hindi niya dapat pakialaman. Sa politika, tumutukoy sila sa mga politikong laging may nakasabit na tarpaulin na may malaki nilang mukha at pangalan upang ipaalam sa madla ang mga proyektong kanilang ginawa. O kaya’y bumabati sa piyesta, pasko, semana sanata, undas, anibersaryo ng maimpluwensiyang simbahan o nakikiluksa kunwari sa pagpanaw ng sinumang popular. Kabilang din dito ang mga politikong gagawin ang lahat maiulat lang sa media sukdulang pakialaman ang trabaho ng iba o kahit pa sumirko-sirko malagay lang sa diyaryo. Isa ring tatak ng EPAL ay ang itatak ang kanyang logo, mukha at initials ng pangalan sa tiles, pader, basketball court, poste, red-plated vehicles, school buildings, waiting shade, kalsada, railings ng tulay at maging takip ng imburnal. Tila ba sariling pera ng mga EPAL ang ginamit nila sa mga pagawaing bayan. 

4. AHAS o Atleta, Host at Artistang Sikat. Ang mga nahahalal sa anumang posisyon na bagamat kulang sa karanasan at kakayahan ay nananalo sa eleksiyon dahil sa kanilang popularidad. Sinasamantala ang knailang kasikatan at pinalalawig ang impluwensiya nila hanggang sa politika. Ang kasikatan at pagkagiliw ng madla ang tanging puhunan ng mga AHAS upang makapuwesto.

5. BOPAL o Bogus Party List. Tumutukoy sa mga partidong lumalahok sa party list system na dapat sana ay alternatibong sistema ng representasyon ng mga mga tunay na marginalized sector na kinakatawan ng mga lider mula mismo sa kanila. Subalit kung ang mga namumuno, kumokontrol at kumakatawan sa anumang party-list ay mula sa mga TRAPO, AHAS, BIMPO at EPAL at malalaking pamilyang negosyante, ang party-list na ito ay tiyak na isang BOPAL. 

Hindi pa natin naisama sa listahang ito ang mga nagmula naman sa religious sector na noong una ay nais lamang makaimpluwensiya sa mga botante pero ngayon ay sila na mismo at kanilang pamilya ang lumalahok sa halalan at kumukuha ng puwesto sa pamahalaan.

Ang mga ito ay sintomas lamang ng malalang sakit ng ating sinasabing demokrasya.

Mga Komento

Mag-post ng isang Komento

Mga sikat na post sa blog na ito

Mga Halimbawa ng Bulong

-
Ang bulong ay isang matandang katawagan sa orasyon ng mga sinaunang tao sa kapuluan ng Pilipinas. Sa kasalukuyan, ang salitang ito ay may iba nang kahulugan sa wikang Tagalog ng Maynila, subalit nanatili pa rin ang tunay na pakahulugan nito sa ilang mga lalawigan sa Katagalugan, Kabisayaan at Kabikulan. Isang panalangin ang bulong binuhay dahil sa pagnanais na makamtan ang isang pangyayari o pagbabago sa hinaharap na mga pangyayari sa kapalaran. Mga halimbawa ng uri ng bulong na nagtataboy ng masasamang diwa o maligno ay ang Xristac Ortac Aminatac at " umalayu deketam e pesan a ore ni kamalotan de tabiang ni makedepat". Halimbawa ng isang bulong ay "Tabi tabi po.". ~ Wikipedia Mga Halimbawa ng Bulong 1. Tabi, tabi po, ingkong. 2. Makikiraan po. 3. Mano po. 4. Paabot po. 5. Paalam. 6. Ingat lagi. 7. Tabi tabi po apo, alisin mo po ang sakit ng pamilya ko  8. Lumayo kayo, umalis kayo, at baka mabangga kayo  9. Huwang kayong maiinggit, nang hind...
Magbasa nang higit pa

Mga Tala ng Aking Buhay - ni Gregoria de Jesus

-
Imahe
Mga Tala ng Aking Buhay ni Gregoria de Jesus Alay kay G. Jose P. Santos na siyang humiling na sulatin ko ang aking kabuhayan. Ako'y si Gregoria de Jesus, taong tunay dito sa bayang Kalookan, lalawigan ng Rizal. Isinilang ako ng araw ng Martes, ika-9 ng Mayo ng taong 1875, sa pook na pinagbaunan ng libolibong sandatang ginamit sa himagsikan at pinagdausan din naman ng kasunduan ng mga punong naghimagsik bago lumabas ng bayan, lugar na tinatawag na Daang Baltazar noong araw at ngayo'y P. Zamora, blg. 13. Ang ama ko'y si Nicolas de Jesus, taong tunay din sa bayang ito na ang hanapbuhay ay Maestro de Obra ng Catero Carpentero at isa sa naghawak ng ilang tungkulin noong panahon ng kastila, naging teniente segundo, teniente mayor at gobernadorsilyo. Ang ina ko ay si Baltazara Alvarez Francisco na tagabayang Nobeleta, lalawigan ng Kabite, pamangkin ni Heneral Mariano Alvarez ng Magdiwang sa Kabite na siyang unang gumalaw ng himagsikan sa nasabing lalawigan. Ako'...
Magbasa nang higit pa

Differences between Metro Manila, Greater Manila and Mega Manila

-
Metropolitan Manila (Filipino: Kalakhang Maynila, Kamaynilaan) or the National Capital Region (NCR) (Filipino: Pambansang Punong Rehiyon) is the metropolitan region encompassing the City of Manila and its surrounding areas in the Philippines. It is composed of 16 cities—namely Manila itself, Caloocan, Las Piñas, Makati, Malabon, Mandaluyong, Marikina, Muntinlupa, Navotas, Pasay, Pasig, Parañaque, Quezon City, San Juan, Taguig, Valenzuela—and the municipality of Pateros. file:///D:/ncr%20researches/Metro_Manila.htm Greater Manila generally refers to the contiguous urbanization surrounding Metro Manila. Greater Manila spills into the neighboring provinces of Laguna, Cavite, Rizal, Bulacan, Pampanga and Batangas. Greater Manila hugs Laguna de Bay, the largest lake in Luzon. Mega Manila corresponds to Greater Manila, but it is a specifically defined term but neither of its two definitions, the looser nor the stricter one, offer any sub-provincial granularity. This is important because no...
Magbasa nang higit pa